Жеңіл көлік тұрғын үйге соғылып қабырғасын қақыратып кетті
Атырауда жеңіл көлік тұрғын үйге соғылып, қабырғасын қиратып кетті. Құрбан болғандар жоқ. Бірақ, бөлмеде жатқан жүкті келіншек пен оның 4 пен 3 жастағы екі баласы жарақат алып, ауруханаға түскен.
Автор: Жанар Низамутдинова
20.01.2014
Оқиға түнгі бірлер шамасында болған. Қадыровтар әулеті содан бері әлі естерін жия алмай жүр. Айтуларынша, Хюндайдың иесі удай мас болған. Шарбақты бұзып-жарып, үйге соғылғаннан кейін, көлігін тастап, алды-артына қарамай қашып кетіпті.
Гүлмира Қадырова, Атырау қаласының тұрғыны:
-Масқара ғой мынау деген! Түнгі сағат бірде адамның үйіне кіріп кетіп, қашып кетіп отыр бұл деген. Үйдің иесі болса ауруханада жатыр, нейрохирургия бөлімшесінде, ана бала кішкентай аяғына гипс салып қойған, аяғы ауыр келіншек денесін денесін ала алмай, бөксесін ала алмай жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
