«Протонға» тиым салуды талап еткен белсендіні полиция ұстап әкетті
Есілдің сол жағалауында «бір адамдық» наразылық шарасы жалғасуда. Бүгін қарсылық танытқан жігіт өткен жолғы жақтасы секілді Талғат Мұсабаевты жекпе-жекке шақырған жоқ. Байқоңырдан «Протонның» ұшуына тиым салуды талап етті.
Автор: Ербол Сейілхан
20.01.2014
Нұрбол Қанағат, «Антигептил» қозғалысының белсендісі:
-600 тонна гептил Қазақстан топырағына төгілді дегенде, сол елге жасалған химиялық шабуыл ретінде қарастыру керек дейді ресейлік сарапшылар. Ал біздің сарапшылар әсіресе, «Қазкосмос» үндемей отыр. «Жаңбыр жауып кетті», «шайып кетті»деп отыр. Түбегейлі зерттеп қарастыру керек.
Қарсылық ұзаққа созылған жоқ. Ұлттық ғарыш агенттігі төрағасының гептилдің зияны туралы мәлімдемесі жазылған плакатты ашқаны сол еді, алқынып прокурор жетті. Жалғыз адамдық наразылықты митингке балап, жігітті полицияға ұстатып жіберді. Айта кетсек, осымен екінші аптаға созылған акцияны ұйымдастырушыларға жаппай айыппұл салынып жатыр. Бірақ табиғат жанашырлары Талғат Мұсабаевты жұмыс орнына іздеп келсе де, ғарышкер кездесуге әлі уақыт таппай жүр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
