Семейде ұстаздар наразылық білдірді
Семейде тұтас бір оқу орнының ұжымы жұмыссыз қалғалы тұр. Себебі, облыс басшылығы қаладағы инновациялық технологиялық колледжді аяқ асты Курчатовқа көшіру туралы шешім шығарған.
Автор: Олжас Сайлаубекұлы
20.01.2014
Мұны естіген ұстаздар бүгін барлығы бас қосып, арыздарын айтты. Ешқайсының 200 шақырым жерге барғысы жоқ. Ал Семейдегі басқа оқу орындарында жұмыс табу қазір қиямет. Оның үстіне Курчатовта оларға баспана да қарастырылмапты. Түрлі салада білім беретіндерді сабырға шақыруға облыстық білім басқармасының өкілі келген. Сөзіне сенсек, Семейде коледж саны тым көп. Ал Курчатовты ғылым ордасы қылуға тырысқандықтан, оқу орнын осында көшіруді көздепті. Жұмыссыз қалғандарға орын табу жағын «мойнымызға аламыз» деп уәдесін де үйіп төкті.
Жайнар Омарова, колледж оқытушысы:
-«Неше жыл істеген мұғалімдердің қамын ойламағандықтан, осындай жағдайға біз ұшырап отырмыз деп ойлаймын!...Біздің мақсатымыз осы колледжімізді аман-есен алып қалсақ дейміз.»
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
