Спорт жаңалықтары
Теннистен Дэвис кубогының әлемдік раундының алғашқы айналымында Қазақстан құрамасы Астанада бельгиялық тенисшілерді қабылдайды.
22.01.2014
Бүгінде осы бәсекеге қатысатын тенисшілердің есімі анықталды. Құрама капитаны Диас Досқараев,- Михаил Кукушкин, Андрей Голубев, Евгений Королев және Денис Ефсеевке үміт артыпты. Ал өткен жылы Қазақстан азаматтығын алған украиналық Александр Недовесов бұл тізімге енген жоқ. Естеріңізге сала кетсек Қазақстан мен Бельгия арасындағы командалық кездесу 31-ші қаңтар мен 2-ші ақпан аралығында Астанада өтеді.
Футболдан Италия кубогы жолында “Рома” “Ювентусты” жарыс жолынан шығарды. Ширек финалдық бәсекеге қосалқы құрамды шығарған туриндіктер 1:0 есебімен ұтылды.
Матчтағы жалғыз голды 79-шы минутта Жервинью соқты. Бұл эпизодта Миралем Пьяничтың тамаша пасын да айта кеткен жөн. Өз кезегінде Антонио Конте шәкірттері қалған уақытта бірнеше шабуыл ұйымдастарған. Бірақ есеп өзгеріссіз қалды. Енді жартылай финалда “Романың” қарсыласы “Наполи” мен “Лацио” арасындағы матчтан кейін белгілі болмақ.
“Манчестер Сити” Англия кубогының финалына жолдама алды. “Вест Хэммен” кездескен манчестерліктер қарсыластарын 3:0 есебімен жеңді.
Алғашқы бәсекеде 6:0 есебімен “Вест Хэмді” тас талқан еткен Мануэль Пеллегрини шәкірттері қарымта матчта да босаңсыған жоқ. Альваро Негредо дубль авторы атанса, шабуылда ширақ ойнаған Серхио Агуерода мергендігімен танылды. Енді “Манчестер Сити” финалда “Сандерлэнд” пен “Манчестер Юнайтед” жұбының жеңімпазымен кездеседі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
