КТК арнасының кезекті тартуы! «Құдалар» сериалы экранға шықпақ.
КТК арнасының тағы бір туындысы - «Құдалар» сериалының түсірілімі аяқталды! Енді өңделіп, көктемде өз көрермендеріне жол тартатын болады. Аты атап тұрғандай картина құдай дескен құдалар жайында. Яғни, ауыл мен қала тұрғындарының туыс болып, арасындағы жиі кездесетін қызықты да күлкілі жайттар турасында.
Автор: Альбина Асхатқызы
22.01.2014
Әр қонағын құдайындай көретін қазақ құдалары үшін де барын береді. Шаңырағына кірсе болды төрін ұсынып, жиған-тергенін дастарханға салады. Бірақ, қазіргі таңда әлеуметтік теңсіздіктен кез-келген отбасында жиі ұрыс орын алып жататыны жасырын емес.
Ерлан Қасымжанұлы, актер:
-Құдалар арасындағы кейбір кикілжіңдер, бәсекелестіктен кейбірін шалып жүреді. Екі жақ жалғыз немерелерін бөлісіп, сендерге қарағанда жақсы қараймыз деген сияқты.
Астарлы ойға толы сериалды продюсері де, сценарисі де көрерменге өтімді етуге тырысқан. Айтуларынша, күнделікті өмірдің болмысын қалжыңмен әркімнің көз алдына оңай келтіруге болады. Және жас жұбайларға берер тәрбиесі де мол.
Ерболат Оспанқұлов, актер:
- Көңілді, ештеңені ойламай жүретін адамның образы ғой. Ал енді құдағы тисіп-тисіп қоятын жерлері бар!
Отбасылық комедияның түсірілімі бір айдан аса жалғасыпты. Күн-түн демей еңбек еткен жұмыстары қазір өңделіп жатыр. Құдаларды Ерболат Оспанқұлов, Бақытжан Әлпейісов, Ирина Ажмұхамедова сынды актерлар сомдап шықты. Және бас кейіпкер Аружан да басты назарда...
Әйгерім Тоқтасын, актриса:
-Мен бір қызық сөз айтамын. «У меня сегодня отпуск» деп.
Екі тілде сериал түсіруге тапсырыс берген КТК арнасы екенін айта кетейік. Сондықтан әзілге толы туындыны тек біздің арнадан жуырда көре аласыздар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
