Бақыт Сыздықова "Нұр Отанды" алдап кеткен
«Нұр Отан» Бақыт Сыздықованы сотқа берді. Экс-депутат 7 млн теңге қарызын әлі қайтармапты.
Автор: Ербол Сейілхан
22.01.2014
Бақыт Сыздықова берешегін жыл соңына дейін «өтеймін» деп уәде еткен. Алайда, бір тиынын да қайтармаған. Алданып қалғанына ашуланған «Нұр-Отан» енді өздері қатарынан қуып шыққан экс-депутатты сотқа беріп, қаржыны өндіріп алмақ. Тіпті сөзінде тұрмайтын әріптестерін партияға қайта алмақ емес. Ал сауық-сайранға жаны құмар Сыздықова 7 млн теңгені КВН ойындарына салып жіберген. Сөйтіп Қазақстанның «атын шығардым» деп бет-бақтырар емес. Сондықтан қарызды мүлдем сызып тастауды сұрайды. Енді ақшаны даулаған тараптар жақын арада сотта кездесуі тиіс.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
