Экстремизмді насихаттады деп қамауға алынған пастор кінәсін мойындаған жоқ
Астанада атышулы «Благодать» шіркеуінің жетекшісі қатысты сот басталды. Бақытжан Қашқымбаевқа экстремизді насихаттап, әлеуметтік араздықты қоздырды деген екі бап бойынша айып тағылған. Арыз түсірген діндардың қолынан су ішкен келіншек. Себебі осы қасиетті сусыннан соң әйел ақылынан алжасып, жындыханадан бір-ақ шыққан. Алайда пастор кінәсін мойындаудан бас тартты. Бір қызығы іске АҚШ араласып пасторға ашықтан-ашық қолдау көрсетуде.
Автор: Гүлнұр Имандос
22.01.2014
Қазақ жігіттерін шоқындырып жіберген 68 жастағы Бақытжан Қашқымбаев осы. Қандай «құдіреті барын кім білсін?», оны сотта қолдауға келген жақтастарының қарасы көп. Қарағанды мен Павлодардан ат арытып жеткендерді айтпағанда, өзіміздің қаракөздер де «рухани көсемдерінің» жанынан табылды. Осы дем берді ма, «экстермизимді насихаттады», «әлеуметтік араздық» қоздырды деп ауыр айыпқа ілінген діндар кінәсін мойындаудан бас тартты. Тіпті процесс басталмай жатып судьяға сенімсіздік танытты.
Бақытжан Қашқымбаев, «Благодать» діни бірлестігінің жетекшісі:
–Соттан әділдік күтпеймін. Судья Менің айтқандарымның бірде-біріне құлақ аспай отыр.
Бір қызығы, шатылып жатқан пасторға АҚШ Үкіметі ашық қолдау көрсетіп отыр. Бөгде мемлекеттің тәуелсіз сот жүйесіне араласып, Астанадағы елшілікке істі қатаң бақылауға пәрмен берген. Тіпті Қашқымбаев ұсталғанда Америкадан арнайы өкілдерін жібергені есте. Бүгінгі процессті де, қалт жіберген жоқ.
Джессика Ярчев, Қазақстандағы АҚШ елшілігінің хатшысы:
-Сотқакелгенімізде тұрған не бар? Біз бұл істі жәй тыңдауға ғана келдік.
Құрығы ұзын ықпалды демеушілерінің қолдауын сезінген діндар сүттен ақ судан таза екендігін қайта-қайта айтумен болды.
– Мен христианмын. Бұл істің бәрі ойдан құрастырылған.
Алайда, ұлттық қауіпсіздік комитетінің айғақтары жеткілікті. Тінту кезінде шіркеуден экстремистік бағыттағы кітаптар табылған. Ал пастордың қолынан қасиетті су ішемін деп ақыл-есінен алжасқан 34 жастағы Ләззат Әлменованың туыстары айыпталушының қатал жазалануын талап етпек.
Гүлдана Әлменова, зардап шегушінің әпкесі:
–Бұл ұйым қылмысқа барып отыр. Сондықтан жетекшісі жазасын алып, бірлестіктің өзі түбегейлі жабылуы тиіс. Біз ол түрмеге қамалмайынша тоқтамаймыз.
Ал талайдың тағдырын талқандаған «Блогадаттың» қазір елімізде 5 мыңнан астам сыйынушысы бар. Соқыр сенімнің жетегінде жүргендер мен одан шапағат іздегендердің әрбір бесіншісі - қазақтар.
-Алғашқы процессте кінәсін мойындаудан бас тартқан Бақытжан Қашқымбаев бірнеше айдан бері түрменің санитарлық бөлімінде жатыр екен. Құлағының мүкістігін сылтау етіп. Егер айыбы дәлелденсе кемі 15 жылға абақтыға жабылуы мүмкін. Ал, діндар басқарған Астанадағы шіркеу әлі жұмыс істеп тұр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
