Ақтөбе облысындағы Нұрбұлақ ауылындаборанның кесірінен сергелдеңге түскен Серебаевтар отбасы отағасын жерлей алмай отыр. Осыдан бес күн бұрын қалаға ұлын шығарып салуға шыққан Алпамыс жолда адасып, ауыл шетінде үсіп өлген. Туыстары енді денесін зиратқа жеткізе алар емес.

-Бес күннен бері  өлік үйде жатыр. Иістене бастады. Не істейміз енді?

Қара жамылған отбасының жағдайына жергілікті шенеуіктер құлақ аспай отырған көрінеді. Құтқарушылар да қарды аршитын көліктің жоқтығын айтып шығарып салыпты.

-Өңірдегі төтенше жағдайлар жөніндегі департаменті құтқарушылар мен техниканың шынымен жетсіпей жатқандығын айтады. Тек соңғы бір тәулікте Ақтөбе облысы бойынша 900-ге тарта адам қар құрсауынан шығарылған.

Ал Әйтеке би ауданында төрт күн бұрын боранда жоғалып кеткен екі адам табылды. 35 жастағы тұрғын үсіп көз жұмса, 40 жастағы ауылдасы аудандық ауруханада жатыр. Ақтүтекте ауылға ықтап келген қасқырлар да адамға шапқан. Толыбай ауылында мектепке бара жатқан мына баланы қасқыр талапты. Көкжалдың жеміне айнала жаздаған жасөспірімге абырой болғанда ауыл тұрғыны араша түскен.

- Қарды уақытылы тазарту керек. Енді жолда қалдық.

Оңтүстік Қазақстанда тәулік бойы толассыз жауған қар жолаушыларды әбігерге салуда. Шымкент-Алматы тас жолында бүгін таңертеңнен жол кептелісінен жүзге тарта көлік қар құрсауында қалды. Одан бөлек, бірнеше жүк көлігі жолдан шығып кеткен. Ал тазалауы тиіс коммуналдық мекемелер жұмысқа кешірек кіріскен сыңайлы. Істері өнбей жатыр. Әсіресе, алыс сапарға шығып, жолда қалған жүк көліктерінің жүргізушілері ашулы.

Имантай Шакуов, көлік жүргізушісі:

-Сазтөбеде тұрып қалдық жол тазаланбаған. Жолда грейдер тұр, оның соляркасы таусылып қалған жанар майы, жолда тұр жол тазалай алмай. Одан Түлкібастың ішінде қанша машина жолдан шығып кеткен. Осы жолға қарайтын адам бар ма?

Бізді Youtubе-та қараңыз! Бізді Facebook-та, Instagram-да, Telegram-да оқыңыз!