Спорт жаңалықтары
7-ші ақпан күні Ресейдің Сочи қаласында Қысқы олимпидалық ойындардың жалауы көтеріледі. Төрт жылда бір келетін спорт атаулының басты додасына қазақ спортшылары да қызу дайындық үстінде. Сочидегі ақ ойындарда Қазақстан құрамасы сапында 58 үміткер өнер көрсететін белгілі болды. Олар спорттың 11 түрінен бақ сынайды. Ең бастысы алдағы олимпиададан үмітіміз де зор.
23.01.2014
“Манчестер Юнайтед” Англия лига кубогының жартылай финалында сүрінді. Қос ойын нәтижесі бойынша Дэвид Мойес шәкірттері “Сандерлэндке” есе жіберді.
Бірінші таймның соңында Джонни Эванс алаң иелерін алға шығарды. Матчтың негізгі уақытында есеп өзгерген жоқ. Ал қос ойын нәтижесі бойынша тең есеп тіркелгендіктен кездесу экстра-таймда жалғасты. Қосымша уақыттың 119-ші минутында Филлип Барндсли таразы басын теңестіріп кетті. Алайда арада не бары 1 минут өткенде Хавиер Эрнандес есепті 2:1 ге жеткізді. Қос ойын нәтижесі бойынша тең түскен қарсыластар жеңімпазды пенальтиден анықтады. Бұл сында “Сандерлэнд” футболшылары үздік шықты. Енді олар 2-ші наурызда “Манчестер Ситимен” Англия лига кубогын сарапқа салады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
