Қырғыздар кеден одағына қосылуға қарсы шықты
Кеден Одағына қарсылығын қырғыздар да білдіріп жатыр. «Тәуелсіз Қызғызстан» деп ұрандап, көшеге шыққандардың ішінде қоғам белсенділерімен қатар Парламент депутаттары да бар.
Автор: Олжас Байжан
23.01.2014
Шерушілер тіпті Бішкек орталығында кішігірім жәрмеңке ұйымдастырып Кеден Одағына кірген жағдайда баға саясаты қалай өзгеретінін көрсетті. Ұйымдастырушылар осылайша Қазақстан, Ресей және Белорусьпен ортақ экономикалық кеңістікке кіргенде тек дайын өнімдердің ғана емес, шикізаттың да құны шарықтайтынын жеткізбек ойы болған. Сондай-ақ шараға қатысушылар бұл одақтың тек экономикалық тұрғыда аяғына нық тұрған мемлекеттерге лайық екендігін алға тартты. Ал Қырғызстан қазірше олардың қатарында жоқ.
Раушан Жиенбеков, Жогорку Кенеш депутаты:
-Кеден Одағына кірген соң барлық заттың бағасы қымбаттайды. Азық-түліктің де, киім-кешектің де. Бұны Қазақстанның тәжірибесін көруге болады. Қазақ елінің басым бөлігі тауар құны көтерілген соң қарсылық танытуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
