Белгілі кәсіпкерді өлтіргендер ең ауыр жазаға кесілді
Бүгін сондай-ақ Шымкентте белгілі бизнесмен мен оның ұлын өлтіріп, әйелі мен қызын ауыр жаралаған 6 адамға бүгін үкім кесілді. Ұсақ-түйек сататын дүкен иесінің үйіне қарақшылық шабуыл жасаған қаскөйлердің екеуі енді қалған өмірін ерекше тәртіптегі колонияда өтеуі тиіс. Қалған төртеуі 15 жылдан арқалады. Сондай-ақ марқұмның жесіріне 65 млн теңге өтемақы төлейді. Дегенмен үкімге екі тарап та келіскен жоқ.
Автор: Бек Әбиев
23.01.2014
Сот ғимаратына марқұм болған Ариповтардың 30-ға тарта туысы жиналды. Бүгінгі үкімді белгілі кәсіпкердің жақындары тағатсыздана күткен еді. 3 айға созылған сот ісінің соңғы күктесін судья бас-аяғы 10 минутта оқып шықты. Сонымен, кәсіпкер Камалжан Ариповпен оның ұлын өлтіргендердің төртеуі 15 жылға, қалған екеуі өмір бойына бас бостандығынан айырылды.
Әбсаттар Шахидинов, судья:
-Жарикесов, Илиевтерді осы қарақшылық шабуыл барысында Ариповке, яғни кәсіпкерге, оның кәмелетке толмаған ұлы Әбдірасуловқа қасақана қаза келтірген Илиевті, ал Жарикесов сол қылмысты жасауға итермелеген деген негізбен кінәлі деп тауып, оларға өмір бойына бас бостандығынан айыру жазасы тағайындалды.
Судьяның түсіндіруінше, Илиев пен Жарыкесовтің ғана өлтірмек ойы болған. Қалған төртеуі қарақшылық ниетпен шабуыл жасапты. Яғни, жер жастандырғысы келмеген. Олардың арасында шабуылды ұйымдастырған Жалғас Ысқақов та бар. Кесілген үкімді қос жақынынан айырылған туыстары құп көрмеді.
Мубарак Арипова, марқұмның әпкесі:
-Олар алдын-ала бұл айуандықты жасауға дайындалған, нақты жоспар құрған. Үйде қанша қаржы сақталғанын, шабуыл жасалғанда кімнің болатынын да білген. Біле тұра әдейі жасаған. Мұндай адамдарға кесілген үкім тым жұмсақ. Келіспейміз.
Айта кетсек, Шымкентегі белгілі кәсіпкер Камал Ариповтың үйіне қарақшылық шабуыл өткен жылдың 25-ші наурызында жасалған еді. Қаскөйлер 50 жастағы кәсіпкер мен оның 17 жасар ұлын бірден өлтіріп, әйелі мен қызын соққыға жыққан. Осыдан кейін үйдегі ақша мен құнды заттарды алып, із суытқан болатын.
-Сен неменеге бақырайып тұрсың? Өлігің шықсын сендердің!
Сонымен, сотталғандардың өмір бойына кесілген екеуі айырықша тәртіптегі түрмеге, екеуі қатаң режимдегі колонияға, тағы екеуі жалпы тәртіптегі колонияға жіберілетін болды.
-Қарақшылық шабуыл жасаған топтың мүшесі Андрей Лапаев пен өмір бойына бас бостандығынан айрылған Үміт Илиев тағайындалған жазамен келіспей отыр. Екеуі де енді апелляциялық сотқа шағымданбақ. Ал, жәбірленуші тарап үкім тым жұмсақ деп, сотталғандардың бәрін өмір бойына түрмеге тоғытуды талап етіп, жоғары сотқа арыз түсірмек. Яғни, атышулы іске әлі нақты нүкте қойылған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
