Абырой болғанда, жарылыс кезінде дәмханадағы бірен-саран қонақ апат ошағынан алыста отырыпты. Сондықтан асүй жақтан лап берген қызыл жалыннан қорғанып үлгерген. Ал жарылыстың күшті болғаны соншалық, қалыңдығы екі елі болатын терезенің күл паршасын шығып, есік алдындағы көліктерді де зақымдапты.

оқуға куәгері:

- Құдай сақтап тірі қалдық. Үсті басы өртеніп, ойбай салып жүгірген адамды қуып жүріп ұстап отты сөндіріп алдық. Ал асүйдегілердің жағдайы қандай болғанын білмеймін, жаңа оларды жедел жәрдем алып кетті.

Жарылыстан зардап шеккен он адамның барлығы да дәмхана қызметкерлері екен. Үшеуі жеңіл жарақаттарын таңдырып ап тарқаса, қалған жетеуінің жағдайы мәз емес. Жансақтау бөліміндегі үш адамның бірі тіпті денесінің 70 пайызын күйік шалып, хал үстінде жатыр.

Василий Мокренко, Қарағанды облыстық травмотологиялық ауруханасының бөлім меңгерушісі:

-Ауыр халдегілердің терісімен қатар ішкі тыныс алу органдары күйіп кеткен. Жағдайды қиындатып отырғаны да осы жайт. Өмірі үшін күресуге тура келеді.

Маргарита Шакур осы дәмханада аспаз болып жұмыс істейін ұлы Максимнің зақымдалған көлігін күзетіп жүр. Жарылған баллонның жанынан табылып, бүгін ес түссіз жатқан ұлына жәрдем де сұрай келіпті.

Маргарита Шакур, Қарағанды қаласының тұрғыны:

-Балам хал үстінде жатыр, мен болсам оның бастығына жолыға алмай тұрмын. Кіргізбейді. Балама «ем керек», «қан керек» деп жатыр. Көмектесер ме екен?

Құтқарушылар өрт кезінде дәмханадан тағы 6 газ боллонын алып шыққан. Сәл кешіксе мына ғимараттың тегіс күлі көкке ұшуы ықтимал екен. Газ баллондарын пайдалануға рұқсаты жоқ дәмхананы өрт сөндірушілер бірде-бір рет тексермегені белгілі болды. Себебі олар ашылғанына жырты жыл болған кафені 3 жылға дейін тексеруге «құқығымыз» жок деп отыр.
 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!