Оның бір себебі алдағы мамыр айында Малайзияда өтетін әлем чемпионаты болғаны сөзсіз.  Осы чемпионатта ерекше көзге түскендер еліміздің жастар құрамасына шақыру алды.  Үш күнге жалғасқан  бәсекелердің нәтижесінде  Алматы қаласының құрамасы командалық бірінші орынды иеленді. 57 келіде топ жарған  Нұрлан Бердімбетов , чемпионаттың үздік  тайбоксшысы атанса, үздік техникасы үшін жүлдеге Райымбек Сембек пен Сейітбек Рымбек лайық болып шықты.

Шайбалы хоккейден Құрлықтық лиганың тұрақты чемпионатында “Барыс” сырт айдында Омбының “Авангардын” ұтты. Қатарынан төрт рет жеңілген Ари Пекка Селин шәкірттері осылайша сәтсіз серияны тоқтатты.

Астаналық хоккейшілер сапында Брэндон Боченски қос гол авторы атанды. Сондай-ақ Константин Руденко мен Найджел Доус бұл кеште мергендігімен танылған. Алайда айдын иелері де қарап қалған жоқ. Кездесудің негізгі уақыты 4:4 есебімен аяқталды. Ал овертаймда Константин Руденко “Барысқа” жеңіс сыйлады. 49 матчтан кейін астаналықтар шығыс конференциясында екінші орында. Ертең “Барыс”өз айдынында Хантымансисктың “Югра” командасымен кездеседі.

Теннистен Австралия ашық чемпионаты сенсациямен аяқталды. Финалда испандық Рафаэль Надальмен кездескен швейцариялық Станислас Вавринка “үлкен дулыға” аясындағы жылдың алғашқы бәсекесінде топ жарды.

Бұл жұпта Надаль сөзсіз Фаворит болған. Бірақ физикалық дайындығы ойдағыдай болмаған әлемнің бірінші ракеткасы Вавринкаға мардымды қарсылық көрсете алмады. Төрт сетке созылған ақтық кездесу 6:3, 6:2, 3:6, 6:3 есебімен аяқталды. Турнир барысында әлемнің 1-ші және 2-ші ракеткасы Новак Джокович пен Рафаэль Надальды ұтқан швейцариялық жаңартылған рейтингта үшінші орынға көтерілді.                          

Бізді Youtubе-та қараңыз! Бізді Facebook-та, Instagram-да, Telegram-да оқыңыз!