Есірткіні беліне байлап шекарадан өтпек болған
Жамбыл облысында ірі көлемде есірткі тасымалдаған Қырғызстан азаматы қолға түсті. Ол үш келіге жуық героинді «Сыпатай батыр» кеден бекеті арқылы алып өтпек болған.
28.01.2014
22 жастағы қырғызстандық төрт полиэтилен пакетке бөлініп салынған ірі көлемдегі есірткіні, беліне скотчпен матап тастаған. Қос елдің шекара қызметінен алаңсыз өткен азаматты кеденшілердің иісшіл иті ұстапты. Бұрын сотты болған күдікті, Меркі ауданындағы сүйктісіне келе жатқанын айтады. Ал, қарын тұсына жасырылған есірткіні белгісіз біреулер, дәрі-дәрмек деп беріп жіберді дейді. Сөйтіп «алданып қалдым» деп, айнып отыр. Тек ол өтірігіне ешкім сенген жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
