Міне, қос қолы кісендеулі діндар. 4 бірдей баппен айыпталып отырған Бақытжан Қашқымбаев өзін қолдап келген табынушыларына сәлемін білдіріп жатыр. Пастордың шашбауын көтеріп жүрген сыйынушылары да қарап қалған жоқ. Сот басталмай жатып, жетекшілерінің үстінен арыз түсірген жәбірленушілерді жағадан алды.

- Өзіңізді ұстаңыз. Ащуланбаңыз. Орныңызға отырыңыз.

Бақытжан Қашқымбаевтың бұл жолғы сот ісіне де, Ақш Конгресі ашық түрде ықпал еткендей. Мұхит асып келген меймандар бұған дейін айыпталушыны бірнеше рет қамаудан босатуды сұраған. Енді «экстремизді насихаттады», «бірлестікті заңсыз құрды » деген 2 бапты алып тастауды сұрап, хат жіберіпті. Прокурор қарсылық танытқан жоқ, керісінше, судьядан өтінішті қанағаттандыруды өтінді. Осыған қарамастан пастор істің әділетсіз өткенін мәлімдеп шу шығарды. Оған жақтастары қосылды.

Гүлжахан Ұбашева, судья:

–Мына жерде отырғандардың бәрі залдан шықсын! Осы дау-дамай туғызған адамдардың бәрін әкімшілік жазаға тартуды талап етем! Алып шығыңыздар сыртқа.

Айыпталушының адвокаты талай жемқор шенеуніктерді қорғаумен аты шыққан Нұрлан Бейсекеев та, сот залын тастап кетіп қалды.

-Сіз заңды бұзып отырсыз. Бас тартуыңызға құқықыңыз бар әрине. Бірақ бұдан-былай адвокаттық қызметіңізді жалғастыра алмауыңыз мүмкін. Осыны ескеріңіз.

Діндарды АҚШ өз жерінде де қорғауға кіріскен. Американдық арналардан «Қашқымбаев ешқандай да лаңкес емес, ол жақсы адам» деген сыңайдағы хабарлар көрсетіліп жатыр. Ал «Благодаттың» рақымына бөленемін деп, ғибадат кезінде пірәдардың қолынан су емес, у ішіп жындыханаға түскен Ләззат Әлменова оның қатал жазалануын талап етуде.

-Келесі сот процесі дәл осы Әлменованың арызы бойынша жалғасады. Себебі Қашықымбаевтан «адам денсаулығына зиян келтірді», «әлеуметтік араздық тудырды» деген айып алынған жоқ. Осы екі бап бойынша кінәсі дәлелденсе, 68 жастағы пастор кемі он жылға сотталуы мүмкін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!