Өрт бүтін бір отбасының өмірін жалмады
Петропавлда жер үйден шыққан өрт бүтін бір отбасының өмірін жалмады. Олардың екеуі мектеп оқушылары. Сағат таңғы бесте тұтанған тілсіз жауды көршілері байқап, құтқарушыларды шақырғанымен ешқайсын аман алып шыға алмаған.
Автор: Гүлмира Тасболатқызы
30.01.2014
Құтқарушылар қызыл жалынмен 15 сағаттай арпалысты. Ағаштан салынған үй әп сәтте отқа оранып, шатыры ортасына опырылып түскен. Мамандар үйінді арасынан тек жартылай жанып кеткен 4 адамның мәйітін алып шықты. Бақилық болғандар 42 жастағы ерлі-зайыптылар мен олардың 13 және 7 жастағы қос қызы. Болжам бойынша, өрттің шығуына пештегі ақау себеп болған. Қазір өңірде үскірік аязда болғандықтан, үй иелері таңға жуық ұйқылы-ояу от салып, пештің ауызын дұрыс жаппастан қайта жатып қалса керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
