Ктк-да премьера! «Құдалар» комедиясын көріңіз
Сериал сүйер қауымға жағымды жаңалық! Арнамыздан ең күлдіргі, әрі қазақи телесериал көрсетіліп жатыр. Комедия жанрында түсірілген туынды құдалардың бастан кешірген шытырман оқиғалары жайында. Бір шаңырақ астында басы түйіскен құда-құдағилардың өзара текетіресі оқиға сюжетін қыздыра түскен.
Автор: Аруна Ортай
18.03.2014
Қызы мен күйеу балалары жоқта төрт бірдей құда-құдағи таласып немере тәрбиесіне араласа бастайды. Баланы бір-бірінен қызғанып, тартыс соңы, тіпті, қып-қызыл ұрысқа айналады.
Қызу талас-тартыс күндіз де түнде де жалғасады. Тынымсыз құдаларды кілең танымал әртістер сомдаған. Ерболат Оспанқұлов, Гүлнар Аманжанова, Бақытжан Әлпейісов, Ирина Ажмұхамедова. Сериалдың шынайлылығы соншалық, құдалар, тіпті, 10 жыл бұрын китке келген киім-кешекті де түгін қалдырмай талқылайды.
Актерлер қос тілде де шебер сөйлейді. Сондықтан, сериалды қазақ және орыс тілді көрермен де емін-еркін тамашалауға мүмкіндігі бар. Ал тың әзіл-қалжындарын елге белгілі сықақшылар өмірден алып жазыпты.
Дәуіт Шайхисламов, продюсер:
-Актерлардың ойыны өте қызықты болды, өте күлкілі болды. Сонымен, құрметті телекөрермендер, дүйсенбі күні сағат, сағатын білмеймін, бірақ та кешкісін, диванға отырып, телевизорды қосып, КТК-ны көріп, күліп, «Құдаларды» көріңіз!
Ал эфир уақыты кешкі сағат 9-дан 45 минут өткенде. «Құдаларды» жіберіп алмаңыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
