Бағалы балықтардың шабақтары Жайық өзеніне жіберілді
Бүгін Атырауда бағалы балықтардың шабақтары Жайық өзеніне жіберілді. 1 жарым млн-дай шабақ бекіре өсіретін зауыттағы 4 тоғаннан үйреншікті ортасына оралды. Олар өзен арқылы теңізге кетеді. Жартысы қызыл балықтың, ал қалғаны шоқырдың шабақтары.
Автор: Жанар Низамутдинова
16.07.2014
Бұларды жасанды жолмен уылдырықтан шабаққа айналдыру үшін 2 айға жуық уақыт кеткен. Жайық өзені мен Каспийден ауланған құнды балықтар жасанды жолмен ұрықтандыру арқылы алыныпты. Ихтиологтардың сөзіне сенсек, осындай тәсілмен дүниеге келген шабақтардың ерекшелігі мұрындарында екеу емес, төрт тесік болады екен. Және дене тұрқы да бірдей. Айта кету керек, 1998 жылдан бері теңізге 100 миллионнан астам құнды балықтардың шабақтары жіберілген. Бірақ мамандар олардың тек 1 пайызы немесе 70 мыңға жуығы қайтып келсе, бұл біз үшін үлкен қуаныш деп отыр.
Рашиден Қалидуллин, балық өсіру зауытының директоры:
-Зауытта 10 тоған бар. Әлі де 6 тоғанда шабақтарымыз бар. Біз үшке бөліп, шабақтарды жібереміз деп ойлап отырмыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
