Семейдің қариялары қолындағы қаруларын жаппай тапсыруда
Қалада қазір заңсыз сақталған қару-жарақты қабылдау науқаны қызу жүріп жатыр.
Автор: Олжас Сайлаубекұлы
16.07.2014
Бірнеше күннің ішінде ішкі істер басқармасына 34 мылтық пен 3 мыңнан астам оқ әкелініпті. Олардың барлығын дерлік каладағы зейнеткерлер өз қолымен тапсырған. Арасында 19-шы ғасырда шығарылған мылтық та бар. Оны қазір жергілікті мұражайға өткізу жағы қарастырылуда. Тәртіп сақшылары болса, атыс құралдарын азсынып отыр. Айтуларынша, қолда жүрген мылтық пен тапаншалардың саны бұдан әлдеқайда көп. Тек жақын арада оны тапсыруға бел байлағандарға көп сыйақы беруді қолға ала бастапты.
Талғат Дүсіпов, Семей қалалық ІІБ инспекторы:
-Қарудың көбі естелік ретінде сақталып келеді. Ал оның заңсыз тұрғаны ешкімді алаңдатпайды. Соның зардабын тартқаннан гөрі, қарудың арқасында 100 мың теңгеге дейін ақша тапсын. Тек өздігінен келіп бізге тапсырса болғаны.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
