Ақтөбеде дәмхананы күзетшінің өзі тонаған болып шықты
Ақтөбенің қақ ортасындағы дәмханаға қарулы шабуыл жасалды. Бетперде кигендер ғимаратқа кіре берістегі 8 бірдей ойын автоматын көтеріп кеткен.
Автор: Жаңалық Ахаш
16.07.2014
Қарақшылар таңсәріде есікті бұзып кірген. Іште отырған күзетшіні байлап автоматтарды ақшасымен қоса көліктеріне артып алыпты. Осы оқиғаны тергеу кезінде мұндағы күзетшінің еш жарақат алмағаны күмән тудырған. Расында да ол қылмысты 6 адам болып әдейі ұйымдастырғандарын жайып салды. Күдіктілердің арасында дәмхана қожайыны да бар. Ойын автоматтары оныкі емес болып шықты. Тек дәмханасының бір бұрышы жалға беріліп келген. Бұлар автоматтардан көп ақша түсетінін біліп, осындай қадамға барған екен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
