Атырау облысында автобус аударылып бірнеше адам қаза тапты

Атырау облысында жол апаты 4 адамның өмірін жалмады. Доссорға баратын күре жолдың бойында шағын автобус жүргізушісі тізгінге ие бола алмай, аударылып кеткен. Мерседестің ішінде 6 жолаушы болыпты. Мәліметтерге қарағанда, барлығы   Павлодар облысының тұрғындары. 52, 40 және 30 жастағы үш азамат оқиға орнында көз жұмған. Тағы үш жолаушы мен жүргізуші Доссордағы ауруханаға жеткізілді. Кейін олардың біреуі ауруханада қайтыс болды. Қазір оқиғаның мән-жайы анықталып жатыр.