Бостонда Тәжияқовтың адвокаттары оның кінәсіздігін дәлелдейтін дәйектер келтірді
АҚШ-та Азамат Тәжияқовқа қатысты сот ісіне ертең соңғы нүкте қойылады деп күтілуде. Егер 12 алқа би мен 6 судья жерлесімізді «Жохар Царнаевтың сыбайласы» деп тапса, ол кемі 25 жылға түрмеге тоғытылуы мүмкін.
Автор: Құралай Пионер
17.07.2014
Ал бүгін айыптаушылар мен қорғаушылардың сөз жарысына кезек берілді. Процеске шақыртылған куәгерлер жауабының дені Тәжияқовты ақтағанына қарамастан, прокурорлар айыптарын өзгеріссіз қалдырды. Ал отандасымызды қорғаған 6 адвокат Азаматтың кінәсіздігін дәлелдейтін біршама дәйек келтірген. Ең бастысы – Федералдық тергеу бюросының қос агентінің өтіріктері шығып қалғандықтан Тәжияқовқа қатысты оң шешім қабылдануы мүмкін.
Әмір Исмағұлов, Азамат Тәжияқовтың әкесі:
- Таңертең бірінші прокурорлар сөйлесті. Өздерінің айғақтарын келтірді. Сол бұрнғы ескі әні. Сосын біздің адвокаттар сөйледі. Олар нақты 14 дәйек келтірді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
