Қарағандыда Ресейдің танымал әншісі ұшақтан қуылды
Ресейдің танымал әншісі – Слава, Қарағандының әуежайында шатақ шығарып, ұшақтан қуылды. Аэрофлот компанияның бортсеріктері эстрада жұлдызын есірткі қолданған деп наркологиялық диспансерге жіберген.
Автор: Саят Сабдалы
21.07.2014
«Слава» деген есімі бар Анастасия Сланевская Теміртау қаласына «Арселор Миттал» компаниясының арнайы шақыртуымен келген. Метталургтердің мерекесінде әнші стадиондағы жұртқа өнер көрсетіп, кейін Қарағанды әуежайына келіп, тіркеуден өткен. Бірақ, ұшақта шатақ шығып, есірткі қолданған деген күдікпен әншіні борттан түсіріп жіберіпті. Қарағандыдағы наркологиялық диспансерге қаралған әншінің ағзасынан ешқандай есірткі табылмаған. Бірақ дәрігермен екі ортада жүргенде «Славаны» алып кететін рейс Ресейге ұшып кеткен көрінеді. Бір күнге жолынан қалып, ертесіне тағы билет алған әртіс енді «Аэрофлот» компаниясын «сотқа берем» деп бұлқынып отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
