Өскеменде әділдік іздеген ата-ана тағы аштық жариялады
Өскеменде ұлдарының өліміне байланысты қылмыстық іс қозғауды талап еткен қарт ата-ана бүгін орталық алаңға шығып, тағы аштық жариялады. Бұған дейін де олар облыстық әкімдіктің алдында 19 күн бойы нәр татпай отырған болатын.
Автор: Әсем Қайратбек
21.07.2014
Жалғыз ұлдарының өліміне қатысты қылмыстық іс қозғалмай, сөзбұйдаға салынып кеткеніне наразы болған ерлі-зайыпты Тарасовтар орталық алаңдағы мына шағын сәкіге қайта жайғасқанына бүгін бірінші күн. Бұған дейін істің мән-жайын анықтауға Астанадан арнайы топ жіберіліп, аштық жариялаған қарттардың талаптарын орындауға уәде етілген еді. Тарасовтар ұлдарының жазатайым емес, қасақана өлтірілгенін дәлелдемек ойда. Естеріңізге сала кетейік, қайғылы оқиға былтыр күзде болған. Белгілі кәсіпкер Григорий Тарасов демалыс базаларының біріндегі моншада қаза тапқан. Досымен бірге шомылып жатқан кезде жылу қазаны жарылып кетіпті. Қарт ата-ана қазандықты қасақана жарған деп отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
