Ұшақта төбелес шығарған Ресей әншісіне қатысты дау жалғасын тапты
«Аэрофлот» компаниясының қызметкерлері Ресей әншісі Славаға байланысты Қарағанды әуежайында болған дауға түсініктеме берді. Айтуларынша, эстрада жұлдызы ұшаққа міне сала бортсеріктермен жанжалдасып, қол жұмсауға дейін барған. Тіпті ұшқыштың кабинасына басып кіруге оқталғанда, оны кері қайтаруға тура келіпті.
Автор: Саят Сабдалы
22.07.2014
Осылайша Мәскеуге ұшып кете алмаған Слава Қарағандыдағы накологиялық диспансерден бір-ақ шықты. Әнші есірткі қолданбаса да, ішімдіктен біраз сілтеген екен. Әуе компаниясының қызметкерлері де, мәселе оның не ішіп- жегенінде емес, ұшақ бортындағы көрсеткен қылығында деп отыр. Қолды аяққа тұрмай, аузынан ақ ит кіріп, көк ит шыққасын борттан қуудан өзге шара қалмапты. Ал көпе-көрнеу ұшақтан аластатты деп жұлқынған әнші сотқа берем деп сес көрсетіп жүр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
