Алматыда атақты әнші полицейдің қолын тістеп алды
Алматыда "Дауыс International" тобының бұрынғы әншісі Жадыра Құтпанова полицейлердің қолына түсті. Көлік тізгінін мас күйінде басқарған ол алғашында тәртіп сақшыларын жерден алып жерге салған. Бөлімшеге апарар кезде тіпті қарсылық көрсетіпті.
Автор: Нартай Аралбайұлы
22.07.2014
- Оңбаған. Алла жазаңды берсін.
Әнші қыз осылайша барлығын қарғап сілеп салды. Шетелдік құнды көлікті тақымдаған ол алғашында полицейлерге дөңайбат шегіп аузына келгенін айтқан. Бірақ мас күйінде түк бітіре алмасын түсінген Жадыра Құтпанова полиция бөлімшесіне апармақ болған тәртіп сақшыларының бірінің шалбарын жыртып, бірінің қолын тістеп алыпты. Қалай десе де, Жадыра Құтпанованы танығанмен, тәртіп сақшылары бұл арудың әндерін сүйіп тыңдамаса керек. Өзін бөлімшеге қамады, көлігін айып тұрағына апарып тастады. Бір қызығы Жадыра Құтпанова алғашында алғашында аты-жөнін жасырып, өзін басқа әншімін деп таныстырған.
- Қай топта ән айтайсыз?
- Кешю
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
