Қарағандыда ірі дүкен өртеніп саудагерлер мол шығынға батты
Қарағандыда құрылыс материалдарын сататын ірі дүкен отқа оранды. Ішінде тез тұтанатын заттары көп ғимараттағы қызыл жалынмен өрт сөндірушілер 3 сағат алысты.
Автор: Саят Сабдалы
28.07.2014
Мұның үстіне олар қызыл жалын күш алып кеткен кезде әрең жеткен. Айтуларынша, ғимаратта өрт дабылы қағылғанымен күзетші хабарды кеш беріпті. Сондықтан олар келгенде өртке оранған жердің аумағы ұлғайып кеткен. Ғимараттан шыққан түтін іргедегі үйлер тұншықтырған соң, тұрғындар түгел далаға шығарылған. 30 техника мен 150- ге жуық адам өртті таңға жуық сөндірді. Қазір қызыл жалынның тұтану себептері мен келген шығын көлемі анықталып жатыр.
Жанна Дәуренбекова, Қарағанды облыстық ТЖД баспасөз қызметінің бас маманы:
-Бірінші өрт сөндіру бөлімі оқиға орнына жеткенде ғимарттың 1500 шаршы метр көлемі жанып жатты. Жанған жерде линолеум, обойдың бөлімдері болған. Соның бәрі өрттің тез таралуына әсер етті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
