Еліміздің 16 өңірінде Сенат депутаттарының сайлауы өтті
Бүгін еліміздің 16 өңірінде Сенат депутаттарының сайлауы өтті. Конституцияға сай оларды халық емес, Мәслихат депутаттары таңдайды.
Автор: ГүлнұрИмандосова
01.10.2014
Басқа саяси науқандары сияқты емес, Сенат сайлауының абыр-сабырсыз, тыныш өтуі сондықтан. Мәслихат депутаттары да өз таңдауларын бірер сағатта жасап үлгерген. Жалпы сайлауға Сенаттағы орынтақтан үміткер 39 адам ғана қатысыпты. Оның төртеуі ғана қазіргі депутаттар. Қалғаны елге есімі танымал азаматтар болғанымен, Парламентке алғаш қадам басқалы отыр. Мәслихаттағы депуттардың қолдауына ие болған соң, сенаторлар Жоғарғы палатада 6 жыл қызмет ететінін айта кетейік. Ал бүгінгі сайлаудың нәтижесін Орталық Сайлау комиссиясы ертең баспасөз беттерінде жарияламақшы. Биыл сайлау барысын бақылауға шетелден 276 адам келген екен. Барлығы бірауыздан сайлау барысына оң бағасын беріп отыр.
Әбдіжапар Бекматов, ТМД Парламентаралық Ассамблеясы бақылаушы миссиясының мүшесі:
- Менің ойымша, жергілікті маслихаттардың депуттатары біздің байқағанымыз Сайулады заң талабына сай жүргізіп жатыр. Бір заң бұзу, нарушениелерді байқаған жоқпыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
