Сенатор тілшілерге арнап үй салуды ұсынды
Сенатор Оразалин баспанасы болмай кісі есігінде күнелтіп жүрген журналистерге араша түсті. Премьер-министрдің атына сауал жолдаған ол, Үкіметтен бұқаралық ақпарат қызметкерлеріне пәтер бөлуді сұрады.
Автор: Гүлнұр Имандосова
02.10.2014
Себебі «арқалағаны алтын жегені жантақ» тілшілердің көбі бүгінде пәтер жалдап жүр. Қызметтерінің атағы дардай болғанымен, айлығы аз. Оның үстіне әлеуметтік мәртебесі де нақтыланбай келеді. Не мемлекеттік, не бюджеттік қызметкерге жатпайды. Соның салдарынан бірде-бір мемлекеттік бағдарламаға ілікпей келе жатыр. Десе де, ақиқатты айтамын деп басын-қауіп қатерге тігіп жүрген тілшілердің мұң-зарына шенеуніктердің құлаяқ аса қоюы екіталай. Себебі бұл мәселе соңғы 10 жылдан бері айтылып келеді. Ал сенатор Оразалин әріптестеріне тым құрыса жатақхана салдыртпай тынбаймын дегендей сыңай танытып отыр.
Нұрлан Оразалин, Сенат депутаты:
-Көйлегі көк, қарны тоқ жүрген қаламгер журналистің оның көкірегінен шығатын сөз де өзгеше болады. Солардың бәріне бір жатақхана салу арқылы мұқтаждықтың орнын жабар едік.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
