Жаңа сенаторлардың есімі белгілі болды
Кеше өткен Сенат сайлауының қорытындысы бойынша 16 депутат, яғни әр облыстан және Астана мен Алматыдан бір-бір адам жеңіске жетті.
Автор: Жәудір Оразхан
02.10.2014
Жаңадан сайналғандардардың төртеуі Сенаттың қазіргі депутаттары. Ал, қалғандары бұрын-соңды Парламентте жұмыс істемеген. Дегенмен, арасында жұртқа танымал тұлғалар да бар. Мысалы, жақында ғана қызметінен алынған Алматы облысының бұрынғы әкімі Аңсар Мұсаханов Жетісу өңірінен сенатор атанып отыр. 48 жастағы депутаттың мамандығы - мал дәрігері. Сондай-ақ, Мемлекеттік Хатшы Әділбек Жақсыбековтың інісі Серік Жақсыбеков те Астана қаласының атынан сайланды. Ол бүгінге дейін Елордада қалалық мәслихатының депутаты болған. Су жаңа сенаторлардың орташа жасы 56. Араларында инженер, агроном, экономист және заңгер бар. Ал өкілеттігі аяқталғандар үйреншікті орындарымен қимай-қимай қоштасып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
