Петропавл әкімінің не себепті қызметінен кеткені белгілі болды
Ал Петропавлда қаласының қазіргі әкімі аяқасты отставкаға кетті. Төлеген Закариянов өз еркімен арыз жазды дейді облыс басшылығы.
Автор: Гүлмира Тасболатқызы
02.10.2014
53 жастағы Закариянов шаһар басшысы ретінде бір жарым жылдай ғана жұмыс істеді. Осы қызметте жүріп талай оғаш әрекеттерімен де халықтың есінде қалғанын айта кетейік. Мысалы биыл жазда шенеунік әлемдік қайырымдылық акциясы аясында дәл әкімдіктің жанына тұрып үстіне екі шелек мұздай су құйды. Закарияновтың қала күнін бұрынғы орыс бекінісінің іргетасы қаланған датаға қайта қойып зиялы қауымның қарсылығына тап болғаны тағы бар. Осы әкімнің қызметтен кеуіне отбасылық жағдай себеп деген әзірге жалғыз жауап айтылды. Ал қала басшысының міндетін Закарияновтың орынбасары Қайролла Ғалиев уақытша атқаратын болады.
Владимир Дудов, СҚО әкімі аппаратының жетекшісі:
-Ол отбасылық жағдайына байланысты қызметінен кету туралы өтініш берді. Әзірге бұл өтініш заңға сай қаралып жатыр. Оның жұмысына еш мін тағылған жоқ, қызметін ойдағыдай атқарды деп есептейміз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
