5 жасар ұлын жанармай бекетіне тастай қашқан келіншекке іздеу жарияланды
Таразда баласынан безінген ана іздестірілуде. Белгісіз келіншек «Шымкент-Астана» бағытына бет алған автобус жанармай бекетіне аялдағанда бүлдіршінін қалдырып, қашып кеткен. Оқиға Шу ауданында болған.
Автор: Руслан Әбдіхалық
03.10.2014
Шамамен 5 жасар баланы қоғамдық көлікте тастап кеткен әйел сол күйі оралмаған. Көлік жүргізушісі мен жолаушылар анасын таңға дейін іздеп әлекке түскен. Ақыры бүлдіршінді тәртіп сақшыларына тапсырыпты. Қазір тастанды бала бейімдеу орталығында. Ондағы мамандар тірі жетім сәбидің қатты шошынып қалғанын айтуда. Тілінде мүкістігі бар, ана деген сөзді әрең айтады. Орталықтың мамандары оқшау ойнайтын баланың ұлты өзбек деп ұйғарып отыр. Туыстары табылғанша осында үш ай болмақ. Кейін балалар үйіне өткізіледі.
Жансая Әлімқызы, психолог:
-Дәрігерлердің бірінші тексеруінде баланың денесінде ұрылған жәбір көрген немесе психикалық ақау байқамады. Инфекциясы жоқ. Балалармен қарым қатынасқа түсуі аздап агрессивті. Соған қарағанда баламен ешқандай қарым-қатынас жүргізбеген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
