Нұрсұлтан Назарбаев «Экспо» құрылысын мерзімінде аяқтауға пәрмен берді
Нұрсұлтан Назарбаев «Экспо» көрмесі құрылысының кестеден кешікпеуін талап етті. Сондай-ақ, нысандарды салу кезінде отандық құрылыс материалдарын көбірек пайдалануға пәрмен берді.
Автор: Ербол Сейілхан
03.10.2014
Нұрсұлтан Назарбаев, Қазақстан Республикасының Президенті:
- Қаржы мәселесі шешіліп жатыр. Мердігер компаниялардың барлығын таңдап алдыңдар. Көбірек біздің бизнесмендерді тартыңдар. Оларда кірпіш, металл әйнек,шығарады. Соның бәріне жұмыс беру керек. Екіншіден салған барлық обьектілер бос қалмай кейін пайдаланылатын болсын.
Бүгін Ақордаға шақыртылған «Экспо» ұлттық компаниясының басшысы Талғат Ермегияев құрылыстың жобаларын ала келді.Оны мұқият қарап шыққан Елбасы кейбірінің сызбасына сол бойда дереу өзгеріс енгізді. Жоспар бойынша, салынуы тиіс 38 нысан 2016 жылдың желтоқсанына дейін бітуі керек. Құрылыс кезінде Арқаның қатты климатын да ескерген жөн. Мұның барлығын назарда ұстауға уәде берген Ермегияев «Экспоға» арнап салынатын нысандардың халықаралық көрме өткен соң да қаңырап бос қалмайтынын тағы айтты. Сондай-ақ, олардың құрылысы уақытымен бітеді деп сендірді.
Талғат Ермегияев, «Астана ЭКСПО-2017» ҰК басқарма төрағасы:
-Қазіргі таңда бетон құю жұмыстары жүріп жатыр. Свайды аяқтадық. Шұңқырды бітірдік. Кестемен барлығы уақытында орындалып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
