Қарағандының экс-әкімі жер учаскелерін туысы мен таныстарына заңсыз үлестірген
Қарағанды облысының бұрынғы басшысы Бауыржан Әбдішев қамауға алынғалы бері кезінде онымен қызметтес болғандардың да басына қара бұлт үйіріліп жатыр. Бүгін Қарағанды қаласының экс-әкімі Мейрам Смағұлов пен жер қатынастары бөлімінің бұрынғы басшысы Ернар Дәрібеков 2 айға тергеу абақтысына қамалды. Олар қаладағы құны қымбат жер телімдерін туыстарына үлестірген деп айыпталып отыр. Смағұловқа қатысты құрылыс компаниясына қысым көрсетіп, үйін жөндетті деген айып бойынша да тергеу жүргізілуде. Сонымен қатар, тергеушілер оны қаланы жарықтандыруға бөлінген қаражатқа қол сұқты деп айыптап...
Автор: Саят Сабдалы
03.10.2014
ыр.
Тергеу мәліметтеріне сүйенсек, Мейрам Смағұлов қаладағы 12 жер телімін алғашында жеке фирмаға 5 жылға жалға берген. Оны сол кездегі жер қатынастары бөлімінің басшысы Ернар Дәрібековпен бірлесіп отырып іске асырған. Кейіннен ол жерлерді өзі мен сыбайластарының туысқандарының аттына аударыпты. Бұл тізімде шенділердің жұбайларының, қайын жұрты тіпті жеке көлік жүргізушілерінің де аттары кездеседі. Одан бөлек, тергеу ісі қала көшелерін жарықтандырудағы былықтарды анықтаған.
Дияр Әділов, прокурор:
-Көшелерді жарықтандыру ісінде де бірқатар заң бұзушылықтарға жол берілген. Бір баптың екі тармағы бойынша айыпталып отырған Мейрам Смағұловқа бас бостандығын шектейтін бұлтарпау шарасын қолдануды сұраймын.
Мейрам Смағұлов өзіне тағылған айыптардың біреуімен де келіспейтінін кесіп айтты. Әрине, адвокаттары да экс-шенеунікке шаң жуытқан жоқ. Сондықтан Смағұловты түмеге жаппай үйқамаққа алуды сұраған. Өйткені жақсы қасиеттерін былай қойғанда, экс-әкімнің де, оның жұбайының да жүректері ауырады екен. Бірақ судья бұл уәждерге сенген жоқ.
Экс-әкім тергеу абақтысына жалғыз кеткен жоқ. Бұрынғы жер қатынастары бөлімі басшысы Ернар Дәрібековке де тура осындай үкім кесілді. Енді бұлар өздерінен бірер күн бұрын ғана осы залдан тергеу абақтысына аттанған облыстың бұрынғы басшысы Бауыржан Әбдішевтің қасына барады. Ал оған мемлекеттің миллиард теңгеден асатын қаражатын жолын тауып, өз қажетіне жаратты деген айып тағылған болатын.
-Тергеушілер күдіктілердің осыдан екі-үш жыл бұрынғы былықтарын анықтап жатқан тұста, қазіргі креслода отырғандардың да біразынан маза кеткен. Мәселен, Саран қаласының әкімі Мұхтар Адамбеков пен Абай ауданы әкімінің орынбасары Айдос Жәкенов қазір қаржы полициясына күнара кеп түсінік беріп терлеп жүр. Оның бірі кезінде қала әкімінің орынбасары болса, екіншісі былығы тұнып тұрған тұрғынүй коммуналдық шаруашылығы бөлімін басқарған еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
