Жапонияны дүлей дауыл жайпап өтті
Жапонияда кешеден бері соққан дүлей дауыл ел тұрғындарын әбден әбігерге салып жатыр. «Фанфон» атты тайфунның күштілігі сонша, соңғы мәлімет бойынша, 3 адам қаза тауып, бірнешеуі із-түссіз жоғалып кеткен. Ал, табиғи апаттан зардап шеккендер жүздеп саналады.
Автор: Досжан Маратұлы
06.10.2014
Сондай-ақ, елдің оңтүстігіндегі 2 миллионнан астам тұрғынға қауіп төніп тұр. Билік оларды қауіпсіз орынға көшіру жұмыстарын жүргізуде. Елдің есін шығарып, әбден әуре-сарсаңға түсірген тайфунның салдарынан 100 мыңдаған үй электр жарығынсыз қалып,мектептер мен жоғарғы оқу орындарында сабақтар тоқтатылды. Сондай-ақ, ішкі және сыртқы бағыттарға қатынайтын ұшақтар қаңтарылып тұр. Кейбір өзендер арнасынан асып жол мен үйлерді басып қалған. Мұндай қатты дауыл Жапонияның оңтүстік бөлігінде өткен аптаның аяғында басталған. Синоптиктердің хабарлауынша, енді дауылдан кейін бір айлық көрсеткіш көлемінде жауын жауады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
