Қостанайда ашық қалған құдыққа құлаған зейнеткер бір ажалдан аман қалды
Қостанайдағы ірі сауда орталығында тағы оқыс оқиға. Бұл жолы мүгедек зейнеткер жапа шекті.
Автор: Елгүл Нұғман
06.10.2014
Шілденің соңында ғимараттың жертөлесіне апаратын баспалдақта төтенше жағдай болған. Сатыға жөндеу жұмыстарын жүргізген құрылысшылар қауіпсіздік ережелерін сақтамаған-ды. Салдарынан төменде өтіп бара жатқан адамдардың басына кеуіп үлкермеген бетон мен бір жарым тонналық шатыр құлаған болатын. Бүгінде осындай оқиға қайталанды. Құрылысшылар люк қақпағын ашық қалдырып, соған зейнеткер құлап кеткен. Мүгедек әйелдің миы шайқалып, бел-бөксесінен ауыр жарақат алып, көп қан жоғалтқан. Қазір ол емделіп жатыр. Ал, сауда орталығының басшылары мәлімет беруден бас тартты.
Раиса Гусейнова, жәбірленуші:
- Мен құрылысшы болғам. Онда қауіпсіздік ережелері өрескел бұзылған. Төменге түссеңіз өте қараңғы. Жарықтан бірден қараңғыға түскенде басың айналып, ашық люкті байқамақ түгілі, есің ауып қалады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
