Атырауда газдан тарыққан жұрт әкімдікке басып кірді
Атырауда қара суықта жылусыз отырғандар жергілікті әкімдікке басып кірді. Мұндағы «Ақжар-2» деп аталатын ауылдың тұрғындары биыл осымен бесінші жыл қысты жылусы қарсы алайын деп тұр. Айтуларынша, жергілікті әкімдік «көгілдір отын беріледі» деп уәде еткен соң, көмір түсірмей, қамсыз отырыпты. Құбырда үйді-үйге тартылған екен. Енді қыс қыр астынан көрінгенде басшылар газдың әлі берілмейтінін айтқан.
Автор: Жанар Низамутдинова
07.10.2014
-Газ, су қосамыз деп өтірік алдап кетті. Президент кетіп қалып еді, газ жоқ.Біз не ойыншықпыз ба?
Атыраудың іргесіндегі Ақжар-2 ауылында қазір 200-ге жуық түтін бар. Жер алып, үй салғалы бері бірнеше жыл өтсе де, мұндағы тұрғындар осы уақытқа дейін көмір түсіріп, от жағып келеді. Алдағы қысты көгілдір отынмен қарсы аламыз деген ақжарлықтар биыл тағы да сан соғып қалды. Себебі, үйге келіп тұрған көгілдір отынды жақын күндері қосамыз деген шенеуніктер айтқандарынан айнып қалған.
Орынгүл Ыбраева, Атырау қаласының тұрғыны:
-Газ бен мұнайдың үстінде отырып, біз неге жетім баланың күйін кешеміз? Біздер неге от жағамыз қолымыз күл-күл болып? Неге біздер иінағашпен су тасимыз? Мынау менің келінім, үш жылдан бері қыстап жатырмыз. Ал бұлар қыс түссе пәтер жалдап кетеді.
Ақжарлықтардың үйінің іші қазір даладағыдай мұздай. Электр пештерінің көмегімен жан сақтап отырған көпшілік тоққа айына 30 мың теңгеге дейін төлейді. Үй ішінде сырт киіммен жүретін олар бүгін жып-жылы жерде жұмыс істеп отырған әкімдеріндің алдына баса-көктеп кірді.
-Сіздердің сөздеріңіздің біреуі де, қажеті жоқ. Бізге газ керек. Сіздерде жылу бар міне.
Ашулы тұрғындарды сабасына түсірмек болған әкім жағдайды айтып түсіндіруге тырысты. Сөзіне сенсек, тиісті құжат кішкене кідіріп жатқандықтан жұрт жылусыз қалған.
Арман Нұрғалиев, Ақсай ауылдық аймағының әкімі:
-Қазіргі кезде мердігер мекеме мен «Трансгазаймақ» өкілдерімен рәсімдеу жұмыстары жүргізіліп жатыр. Бір-екі үш қағаздар жетпей жатыр. Олардың өздерінің СНИП, теникалық талаптары бар.
Әбден ызаланған тұрғындарайдың ортасына дейін жылу берілмесе,нақты шара қолданатындықтарын да ескертіп кетті. Жұрт наразылықтарын енді жолды жауып білдіруге бекінген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
