Таразда кезекті «телефон лаңкесі» іздестірілуде
Таразда жұртты «бомба бар» деп шошыту еріккеннің ермегіне айналды. Бұл жолы белгісіз біреулер «Қазақтелекомның» кеңсесіне жарылғыш зат қойылыпты деп бұқараның үрейін алды.
Автор: Руслан Әбдіхалық
07.10.2014
Суыт хабардан кейін орталықтағы негізгі көшелер түгелдей жабылып, тәртіп сақшылары ғимаратта тінту жүргізді. Тұрғындарды қорқытып алмас үшін, оларға оқу-жаттығу жұмыстарының жүріп жатқанын айтыпты. Алайда қолдарына майшам алып іздегенімен, бұл жолы да жарылғыш заттың жұрнағы да табылған жоқ. Полицейлер енді жинала бергенде, теміржол бекетінде күдікті қара дорба тұр деген тағы бір хабар келіп түсті. Тәртіп сақшылары алқынып ол жерге де барған. Бірақ бұл сөмкені жолаушының бірі ұмыт қалдырған екен. Қазір алғашқы дерекке қатысты қылмыстық іс қозғалып, «телефон лаңкесі» іздестірілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
