Түркияда күрдттер бас көтеріп жаппай көшеге шықты
Сириядағы осы жағдай Түркияның оннан астам қаласында жаппай тәртіпсіздің басталуына түрткі болды. Бас көтеріп жатқан сол түркиялық күрдтер. Олар Кобанидегі шабуылға араласпай, әрекетсіз отыр деп Анкараны айыптауда.
Автор: Олжас Байжан
08.10.2014
Қазір Диярбақыр, Газиантеп пен Стамбұл көшелері нағыз ұрыс алаңына айналған. Жұрт дүкендер мен көліктерді қиратып жатыр. Тәртіп сақшылары да аянып қалмай, ереуілшілерге қарсы резеңке оқ атып, көз жасауратқыш гранаталарды қолданған. Тәртіпсіздік кезінде 15 адам көз жұмды. Жүздегені жараланған. Ал ереуілді тоқтату үшін билік кейбір аудандарда уақытша коменданттық сағат енгізуге мәжбүр. Наразы күрдтер ресми Анкарадан Сириядағы дағдарыстың шешімін табуға атсалысуды және екі ортадағы шекараны ашуды талап етуде. Бірақ, Түркия билігі Сириядағы қақтығысқа араласуға ниет білдіріп отырған жоқ. Десе де соңғы үш апта ішінде 1 жарым млн босқынға пана берген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
