Атышулы «Ақтөбенің» жанкүйерлері клуб басшыларының қызметтен кетуін талап етпек
Ақтөбелік жанкүйерлердің жергілікті футбол клубының басшыларына көңілі толмайды. Сондықтан олар алдағы аптада «Шахтермен» өтетін кезінде наразылық білдірмекші.
Автор: Жаңалық Ахаш
08.10.2014
Қазір олар әлеуметтік желілер арқылы әзірліктерін пысықтауда. Таратқан хабарламаларына қарағанда, ойын басталған бойда жанкүйерлер алаңға теріс қарап отырып, үнсіздік жариялайды. Одан соң бірден клуб президенті Сағат Еңсегенұлы мен директор Шәрипа Бихамбетованың қызметінен кетуін талап етпек. Фанаттар бас бапкер Владимир Газаевқа да өкпелі. Себебі осы ресейлік маман келгелі «Ақтөбенің» ойыны жүрмей қойған. Клуб ел чемпионатында жеңілістен көз ашпай келеді. Сондықтан одан да орнын босатуды сұрап отыр. Биылдыққа «Ақтөбе» командасының ойыншыларынан гөрі жанкүйерлерінің даулы оқиғалармен аты шықты. Еуропа Лигасының аясында польшалық фанаттармен жаға жыртысуға дейін барған еді. Ал жақында ғана Алматыда да шатақ шығарғанын ел біледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
