Рысқалиевтің сыбайласы 18 жылға сотталуы ықтимал
Ал Атырауда облыстың бұрынғы әкімі Бергей Рысқалиевтің сыбайластарына қатысты сот процесі жалғасуда. 777 томдық қылмыстық істің айыптау қорытындысын бас-аяғы екі күнде оқып бітірген прокурорлар соттан оларды 8-ден 18 жылға дейін кесуді сұрап отыр. Ең ұзақ мерзімге Рысқалиевтің бірінші орынбасары болған Болат Дәукенов ілігуі мүмкін.
Автор: Жанар Низамутдинова
09.10.2014
Юрий Слинченко, адвокат:
- Дәукеновке 18 жыл беруді сұрап отыр. Бірақ прокурорлар неліктен осыншама қатаң жазаға кескелі жатқанын түсіндіре алмады. Сотта қаралған кейбір істерге Дәукеновтің қатысы жоқ. Мысалы «Жекешелендіру» бөлігі бойынша. Барлық мүлік мемлекетке қайтарылды.
Бергей Рысқалиевтің 22 сыбайласына қатысты қылмыстық іс биылғы қаңтар айынан бері қаралып жатыр. Оларға облыстың бұрынғы әкімі құрған қылмыстық топтың құрамында болып қазынаның 71 млрд теңгесін талан-таражқа салды деген айып тағылуда. Үш қылмыстық топқа бөлінген барлығы 36 адамның 14-не халықаралық іздеу жарияланған. Олардың ішінде Бергей Рысқалиев пен оның туған інісі, Мәжілістің экс-депутаты Аманжан Рысқали да бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
