-Асықпаңыздар, бәрібір тізім бойынша кіргізеді. Не деген түсінбейтін адамсыңдар?

Осылайша есікті қирата жаздаған астаналықтар ішке қарай ентеледі. Айғайласып кірсе де, шират үшін бір-бірімен төбелесуге бар. Тіпті Ұлттық гвардияның зіңгіттей сарбаздарына  әл берер емес. Темір қоршауды бұза-жара қабылдау комиссиясына кезексіз ұмтылғандар табылды. 

- Бала-шағамда да  үй жоқ жарығым. Отырмын міне кезек күтіп. Кіргізбейді. Кәрі адам аз-ақ, сыйламайды ешкім.

Сый дәметіп жастармен бірге кезекте тұрған қарттардың  қарасы қалың. Бірақ көбі дүрмекке ілесіп келген. Олар қандай құжат керектігін де білмейді. Соны ешкім түсіндіріп жатқан жоқ деп ашулы.

Жалғас Қайырболатұлы, Астана қаласының тұрғыны: 

-Бір күн тұруымыз керек.Мүмкін мына қағаз керек емес шығар. Соны білейік дегенбіз. Айтпайды.Не үшін тұрғанымызды білмейміз. Адамды жинайсыңдар.Ал  халықты ешқайсысы ойлап жатқан жоқ. Сонда пәтері жоқ  қазақтар ғана. Басқа ешкім жоқ мұнда.

Тұрғындарға жаны ашыды ма, жалпы құжат қабылдаудың ережесі жазылған кітапшаны сарбаздар таратып жүр. Ал іріктеудің талабы қатал.  Арызды тек бірнеше жылдан бері пәтерге кезекке тұрғандар бере алады. Онда да бюджеттік сала қызметкерлері, әскерилер, мүгедектер, жетімдер  мен көпбалалы отбасылар. Оның үстіне шенеуніктер үйді тегін таратқалы жатқан жоқ. Нарықтағыдан арзан делінген пәтердің шаршы метрі 180 мың теңге.  Баспана жалға беріледі, кейін сатып алуға болады. Тек оның әділ жүргізілетініне күмәнмен қараушылар көп.

-4 жыл болды кезек әлі жылжыған жоқ. Пәтер алам деп ойламаймын. Әділдік жоқ.  Қаншама адам тұр. Қаншасының баласы мүгедек. Кейбір адамдар 2010-2011 жылы  кезекке тұрса да пәтер алған. Қалай білмейміз?

-Астаналық мыңдаған отбасы таласып жатқан тұрғын кешені осы. Құрылысы 2015 жылдың басында аяқталуы тиіс. Бірақ барлығына бірдей бұл жерден үй бұйырмайды. Себебі берілетін пәтер саны шектеулі. 678 ғана.  ОСы кезде бұл баспанадан  үміттілердің саны 32 мыңнан асады.

Сондықтан баспананы бөлу кезінде шын мұқтаж жанұяларға басымдық берілмек.

Айшакүл Молдағалиева, Астана қалалық тұрғынүй басқармасының бас маманы:

- Қалай кезекте тұр, сол бойынша пәтерін алады. Сол ширатпен. Қазіргі кезекте 32.478 азамат тұр.

Бүгін айғайдан кейін шенеуніктер халықты сабырға шақырып отыр. Өйткені «Қолжетімді баспана » бағдарламасы бойынша, құжат  25-ші қазанға дейін яғни 2 апта бойы қабылданады. Оның үстіне кімнің бірінші арыз беріп үлгергені емес, тиісті талапқа сай келгендердің ғана бағы жанады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!