Хромтауда таксиші келіншекті соққыға жыққан оқушылар сотталды
Ақтөбе облысында таксиші келіншекті өлтірмек болған екі оқушы сотталды. Компьютер ойындарына еліткен жасөспірімдер қарақшылық жолмен қаржы тапқанды жөн көріпті.
Автор: Жаңалық Ахаш
14.10.2014
Оқиға былай болған:екі бозбала Хромтау қаласындағы такси қызметіне тапсырыс беріп көлік шақырады. Ал жолай жүргізуші Ақтоты Көлбаеваны басынан балғамен ұрып, есінен тандырмақ болған. Келіншек машинасынан түсіп қашуға қамданғанда оқушылар қуып жетіп, тағы да соққының астына алады. Онымен қоймай сыммен буындырыпты. Сосын оны өлдіге санап, оқиға орнынан көлікпен тайып тұрған. Қан жоса болып жатқан Ақтотыны жұмысшылар көріп, ауруханада аман алып қалды. Енді осындай айуандыққа барған оқушының бірі Глеб Артемов 8 жылға, Вадим Бедекер 7 жылға бас бостандығынан айырылды.
Ақтоты Көлбаева, жәбірленуші:
-Менің сол кезде көрген азабымды олардың басына берсін. Сот үкіміне ризамын. Оқушы болса да, сондай айуандыққа барды. Баламның несібесі болар, аман қалдым. Түрмеге жаппаса, енді бұлардан нағыз қанішер шығады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
