Полицияның қысымынан шаршаған Теміртау тұрғыны секіріп өлмек болды
Теміртау қаласының тұрғыны қаладағы стадионның биік мұнарасына шығып өзіне қол салмақ болды. Прокурор келмесе секіріп кетуге бел байлаған ол құзырлы орган қызметкерлері жеткенде өзінің полицейлердің қысымына ұшырағанын жайып салды.
Автор: Саят Сабдалы
14.10.2014
Серік Жарынов бұл қадамға Қанат деген полиция қызметкерінің қысымына шыдамағаннан кейін барыпты. Айтуынша әлгі тәртіп сақшысы статистиканы жақсарту үшін оны ұсақ қылмыстар жасауға мәжбүрлеген. Келіспесе қол жұмсап қорқытып үркітеді екен. Прокуратураға сан рет шығымданса да, құлақ асар жан табылмаған соң өзіне осылай назар аудартуға бел буыпты. Биіктігі 30 метр мұнараның үстінде 2-3 сағат бойы біресе шешініп, біресе мойнына қылбұрау салып ойына келгенін істеді. Оқиға орнына жеткен прокурор мен Теміртау қаласы ішкі істер басқармасының бастығы оны мұнарадан түсуге әрең көндірді. Ол үшін тіпті шаһардың бас полицейдің өзі мұнараның ортасына дейін көтерілді. Ақыры аман-есен жерге түскен Серік Жарынов өзіне қысым көрсететін полицейдің үстінен арыз жазу үшін прокурорларға еріп кетті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
