Қазақстан ресми түрде Еуразиялық Одаққа қосылды
Бүгін мемлекет басшысы Нұрсұлтан Назарбаев «Еуразиялық экономикалық одақ шартын ратификациялау туралы» құжатқа қол қойды. Бұған дейін келісімді Ресей мен Беларусь президенттері бекіткен болатын.
Автор: Ербол Сейілхан
14.10.2014
Осылайша, 2015 жылдың 1-ші қаңтарынан бастап 3 мемлекет жұмыс күші, тауар мен капиталдың айналымына кедергі келтірмеуі тиіс. Жаңа одаққа жуық арада Армения да қосылмақ. Ұйымға кіру үшін Қырғызстан да соңғы құжаттарын әзірлеп жатыр. Оның қалай жүріп жатқанын Астанаға келген Қырғыз премьер-министрі кеңінен айтып берді. Жомарт Оторбаевты бүгін Ақордада Нұрсұлтан Назарбаев қабылдады. Ресми Бішкек жаңа жылға дейін Еуразиялық Одақтың толыққанды мүшесі атануға асығып отыр. Одақтан өзге,Қырғыз премьері үлкен өтінішпен келіпті. Ол Қазақстаннан Қырғызстанға электр энергиясын тасымалдау мәселесін шешуді қолқалады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
