Жаңа заң көлікті көшеге қоюға тиым салады
Мамандар дүйсенбіден бастап күшіне енгелі отырған жол ережесіне қатысты жаңа заңның да шикіліктері баршылық екенін айтуда. Мәселен, енді көлікті көшенің кез-келген жеріне қойып кетуге рұқсат жоқ. Тоқтайтын жеріңізде міндетті түрде «П» деген белгі болуы тиіс.
Автор: Құралай Пионер
16.10.2014
Бұған дейін көлікті тек арнайы тыйым белгісі қойылған жерлерге ғана қоюға болмайтын. Егер, ережені елемесең, кемі 27 мың теңге айыппұл төлейсіз. Енді мүлдем жол біткеннің барлығының жиегіне қоюға тыйым салынып отыр. Шектеу тіпті тұрғынүйлердің ауласына да қатысты. Бірақ шенділер алдымен тұраққа рұқсат беретін орындардың санын арттыруды құп көрмесе керек. Мәселен, көлік саны әлде қашан миллионнан асқан Алматыда «П» белгісі бар жерді табу қиын. Ал шеттегі аудандарда тіптен жоқтың қасы. Көлік иелерін де ашындырып отырған осы.
Сергей Уткин, заңгер:
-Шынан айтайын, енді бұл күлкілі жағдай. Көлігімізді не көшеге, не жолға, не аулаға да қоя алмайтын болдық. Сонда не істеу керек! Егер, арнайы тұрақтардың санын көбейтпесе, бұл заңды еңгізбесін.Әйтпесе, Жол полициясы мұны кезекті май шелпектеріне айналдырады
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
