VIP-нөмерлердің саудасы жемқорлыққа жол ашуы мүмкін
VIP-нөмерлер саудасы жемқорлықтың кезекті көзіне айналуы мүмкін. Алдағы дүйсенбіден бастап елімізде қымбат темір тұлпар тізгіндегендердің көптен күткені - ерекше нөмірлер сатылымы бастауы тиіс. Бірақ мамандар қазірдің өзінде сауданың әділ жүретініне күмән келтіріп отыр.
Автор: Құралай Пионер
16.10.2014
Халыққа қызмет көрсету орталықтарында қазір өтініштер қабылдануда. Әкімшілік полиция комитетінің есебінше, бүгінге дейін аймақтар үшін 2 серия бойынша және Алматы, Астана, Шымкен, Қарағанды қалалары үшін 5 серия бойынша нөмірлер әзірленіпті. Негізі 28 серия шықпақ. Ал бағасы екі санатқа бөлінген. Мәселен, «001»-ден «009»-ға дейінгілері 256 мен 422 мың теңге, «111», «555», «777» сынды сандар 200 мыңнан 800 мың теңгеге дейін барады. Тек бұдан тәуелсіз сарапшылар күдігі басым. Нағыз сұранысқа ие VIP-нөмерлерді Үкімет бекіткен бағамен де алу мүмкін болмайды деп отыр. Сөйтіп, көңілің қалауындағысын алу үшін тағы ақша қыстыруға тура келмек. Сондықтан мамандар: «Сауданы бекітілген бағамен емес, аукциондық жүйемен жасаған дұрыс еді» дейді.
Эдуард Эдоков, Тәуелсіз автомобилистер одағының төрағасы:
- Идеяның өзі құптарлық. «Егер ақша болса, көлігіңе қалаған нөмірінді тақ та, мақтан» деген. Бірақ гәп бұл жерде сатылымның әділ өтпейтіндігінде. Яғни, «777» нөмірінің нарықтық бағасы 400 мың болса, мен оны алу үшін қолы ұзындарға пара беруім керек. Егер, аукционға қойылғанда бәрі әлдеқайда ашық болар еді. Оған құзыреті барлар жол бермей отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
