Инчхонда паразиада басталды
Азия ойындарын сәтті өткенген Оңтүстік Кореяның Инчхоны енді жарымжан спортшыларды қарсы алуға қамдануда. Сары құрлықтың паразиадашылары қазір төрт жылда бір рет өтетін дүбірлі додада алдында соңғы жаттығуларын пысықтап жатыр. Денсаулығы кемтар жандардың арасындағы тартыста қазақ елінің намысын бұл жолы 84 спортшы қорғамақ. Олар тоғыз спорт түрі бойынша сынға түседі. Бүгін дәстүр бойынша қатысушы елдердің өкілдері өз туларын көтерді.
Автор: Олжас Байжан
17.10.2014
Осы сәттен бастап Қазақстанның паразиада құрамасы үшін тарихтың жаңа парағы ашылды. Оңтүстік Кореяның Инчхонында биыл 84 жерлесіміз өнер көрсетпек. Барлығы бүгін көтерілген көк байрақ жарыстың әр күнінде көкте көрінеді деген сенімде.
Ақылбек Шікібаев, Волейболдан ұлттық құрамасының мүшесі
-Команда жақсы бір жеңіске жетеді деп ойлаймын. Барлығымыз жеңеміз деп келіп жатырмыз ғой.Бірінші мақсатымыз олимпиадаға жолдама алу.
Қазақтың көк туын ашылу салтанатында Зульфия Ғабидуллина желбіретіп шығады деп шешілген. Әлем бойынша жүзуден бірнеше рет үздік танылған спортшының жетістігі оның ізбасарларын жігерлердірмек.
Зульфия Ғабидуллина, Суға жүзуден ұлттық құрамасының мүшесі:
-Туымыздың көкке көтерілгені біз үшін әрқашан мақтаныш. Жыл санап осы сәтке куә болатын спортшылардың саны артқаны қуантады. Себебі сан бар жерде сапа міндетті түрде болады.
Дүбірлі додада тартысқа түсетіндердің басым бөлігі Қазақстанның бірнеше чемпиондары, кейбірі Азия мен әлем рекордтарынын иегерлері. Сондықтан олар Инчхонда жақсы өнер көрсетіп, Сочидегі жағдай қайталанбайды деп сендіруде.
Айдар Жұмабаев, ҚР Ұлттық параолимпиада комитетенің вице-президенті:
-Құраманың дайындығы жақсы. Біз спортшылардың саны ең көп таныстырылған командалардың біріміз. Қазірден-ақ үздік спортшыларымыздың дайындығын қарап, өзгелер өз мүмкіндіктерін бағалауда. Басты қарсыластары біз боламыз.
Жарыс ресми түрде басталатын уақыт таяған сайын қаладағы қозғалыс баяулап, спортшылар мен қонақтардың діттеген жерлеріне жылдам жетуі үшін жағдай жасалуда. Айта кетерлігі 11-ші рет ұйымдастырылып отырған паразия ойындарына жаңа 4 спорт түрі қосылып отыр. Олардың қатарында спорттық би, регби, боулз және желкенді қайықпен жүзу бар. Бірақ өкінішке орай бұл жарыстарға қазақстандық спортшылар лицензия алып үлгермеген.
-42 елдің саңлақтары 23 спорт түрінен өтетін сайыстарда 605 медаль жиынтығын сарапқа салмақ. Болжам бойынша оның кемінде жиырмасы біздің қоржыннан табылуы тиіс. Жүлделі орыннан табылғандарға берілетін қаржылай сый да қомақты. Бірінші орын иегеріне он мың, екіншіге бес мың, үздік үштіктегі спортшы үш мың долларды қанжығасына байлайтын болады. Ал кім мықтыны анықтайтын ойындардың ресми ашылуы ертең Астана уақыт бойынша сағат 15.00 басталады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
