Петропавлға күтпеген жерден қар жауып қозғалысты қиындатты
Еліміздің солтүстігіне қыстың лебі ерте жетті. Мұнда бір тәулік бойы жауған жаңбырдың соңы қарға ұласқан. Ал Петропавлдың коммуналдық қызметтері бұған қашанғыдай дайын болмай шықты. Олар түні бойы жауған қардан көрінбей қалған жолдарға құм сеппеген. Соның кесірінен көліктер көшелерде кептеліп қалды.
Автор: Гүлмира Тасболатқызы
17.10.2014
Әсіресе, қала сыртындағы ауылдардан қатынап жұмыс істейтіндер үшін қиын. Шахарға апаратын жалғыз көпірден өте алмай қиналған көліктер бірнеше шақырымға созылатын кептеліс тудырып шұбырған кезектің кесірінен жұрт жұмыстарынан қалып жатты. Қысқы доңғалақтарын салып үлгермегендер құм себілмеген жолда тайғанақтап, өткелге шыға алмай қиналды. Қазір көліктердің дені сол доңғалақты ауыстыратын орындарға кезекте тұр. Қар еріген соң ойқы-шойқы жолдарда қозғалыс тіптен қиындауы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
