Павлодарда сот шешімі экологтардың таңданысын туғызды
Павлодарда «Гелиос» компаниясын сотқа берген экологтардың арызы қанағаттандырылмады. Бір ай бұрын табиғат жанашырлары қала іргесіндегі мұнай базасының жұмысын тоқтатуды талап еткен болатын. Айтуларынша, алпауыт компанияның кесірінен жер асты сулары ластанған.
Автор: Әйгерім Шақаманова
20.10.2014
Трансшекаралық су қорғау аумағында орналасқан мұнай базасының Ертіс өзеніне де залалы тиіп отыр. Жаз айларында осы аумақтағы саяжай иелері судың бензин татитынын жеткізген. Су құрамын тексерген экология департаментінің мамандары онда мұнай өнімдерінің шамадан 10 есе артық екенін анықтады. Алайда, сот бензин тапшылығы тұсында жағдайды ушықтырмауды ойлады ма, әйтеуір, мұнай базасын жаппау туралы туралы шешім шығарды. Тек заңбұзушылықтарды жоюды тапсырған. Экологтар енді Жоғарғы сотқа арызданбақ.
Ержан Оразалинов, эколог:
-Алдағы уақытта «Гелиостың» тиісті іс-шараларды орындағанын өз бақылауымызға аламыз. Жер асты сулары мен Ертістің ластануына жол беруге болмайды. Соттың шешімі қате. Сондықтан істі аяғына дейін жеткізбей қоймаймыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
